New Zealand Cricket grants leave to Luke Ronchi and Jacob Oram for PSL-X
نیوزی لینڈ کرکٹ کے مطابق لوک رونکی اور جیکب اورم کو پاکستان سپر لیگ میں فرنچائز اسلام آباد یونائیٹڈ کی کوچنگ کے فرائض انجام دینے کے لیے اجازت دی گئی ہے لوک رونکی اسلام آباد یونائیٹڈ کے ہیڈ کوچ جبکہ جیکب اورم اسسٹنٹ کوچ کی ذمہ داریاں نبھا رہے ہیں۔
دونوں کوچز کی غیر موجودگی میں وہ نیوزی لینڈ ٹیم کی جنوبی افریقہ کے خلاف ہوم ٹی ٹوئنٹی سیریز اور دورہ بنگلہ دیش میں ٹیم کے ساتھ موجود نہیں ہوں گے۔
نیوزی لینڈ کرکٹ کے پرفارمنس منیجر مائیک سینڈل کا کہنا ہے کہ بورڈ اپنے کوچز کو بین الاقوامی لیگز میں کوچنگ کے مواقع حاصل کرنے کی حمایت کرتا ہے کیونکہ اس سے ان کے تجربے اور مہارت میں اضافہ ہوتا ہے، جس کا فائدہ بعد میں نیوزی لینڈ کرکٹ کو بھی پہنچتا ہے۔
ادھر نیوزی لینڈ کرکٹ نے دونوں کوچز کی غیر موجودگی کے دوران عبوری کوچنگ انتظامات کا بھی اعلان کر دیا ہے جونی باسیٹ گراہم اور گریم الڈریج ٹیم کے ساتھ ذمہ داریاں ادا کریں گے جبکہ برینڈن ڈونکرز دورہ بنگلہ دیش کے دوران کوچنگ اسٹاف کا حصہ ہوں گے۔
واضح رہے کہ نیوزی لینڈ اور جنوبی افریقہ کے درمیان پہلا ٹی ٹوئنٹی میچ 15 مارچ کو کھیلا جائے گا۔
