AFC U-17 Qualifiers: Laos inflict first defeat on Pakistan-AFC
اے ایف سی انڈر-17 کوالیفائنگ ایونٹ میں پاکستان کو لاؤس کے ہاتھوں 2-1 سے شکست کا سامنا کرنا پڑا، جس کے بعد قومی ٹیم کے لیے اگلے راؤنڈ میں رسائی مشکل ہو گئی ہے۔
کرغزستان کے شہر بشکک میں کھیلے گئے میچ میں پاکستان کا واحد گول عبداللّٰہ نے اسکور کیا۔
پاکستان اب تک تین میچز میں دو فتوحات اور ایک شکست کے ساتھ 6 پوائنٹس کے ساتھ گروپ بی میں تیسرے نمبر پر ہے، جبکہ لاؤس اور یمن تین، تین کامیابیوں کے ساتھ 9 پوائنٹس پر سرفہرست ہیں گروپ کی ٹاپ ٹیم ہی اگلے راؤنڈ میں کوالیفائی کرے گی۔
قومی ٹیم کے کوچ اور سابق کپتان عیسیٰ خان نے لاؤس کے خلاف کارکردگی کو سراہتے ہوئے کہا کہ کھلاڑیوں نے بہترین کھیل پیش کیا لیکن آخری لمحات میں گول نے نتیجہ بدل دیا۔
پاکستان 28 نومبر کو یمن اور 30 نومبر کو گوام کے خلاف اپنے اہم میچز کھیلے گا، جن میں کامیابی ٹیم کی امیدیں برقرار رکھ سکتی ہے۔
