اسپینش لالیگا :بارسلونا کی دانی اولمو کے شاندار ڈیبیو گول سے ویلیکانو کو شکست

اردو انٹرنیشنل اسپورٹس ویب ڈیسک تفصیلات کے مطابق اسپینش لالیگا کے میچ میں بارسلونا اور ریو ویلیکانو آمنے سامنے تھے جہاں کھیل کے شروع میں ہی ہوم ٹیم ویلیکانو نے یونائی لوپیز کی مدد سے گول کرکے اپنی برتری کو ابتدائی طور پر 1-0 سے بڑھا دیا ۔ بارسلونا نے پیڈری کے گول سے رافینہا کے عمدہ پاس کے بعد برابری کر دی اور پھر اس کے بعد دانی اولمو نے بارسلونا کے لیے باضابطہ طور پر رجسٹر ہونے کے چند گھنٹے بعد ہی میچ کا فاتحانہ گول داغ دیا ،اولمو نے لیمائن یامل کی مدد سے فیصلہ کن گول کیا ۔

اولمو نے حال ہی میں 60 ملین یورو میں آر بی لیپزگ سے بارسلونا میں دوبارہ شمولیت اختیار کی ہے لیکن لا لیگا میں مالی پابندیوں کی وجہ سے وہ ابھی کھیلنے کے قابل نہیں تھے۔ تاہم، جب بارسلونا الکے گنڈوگان مانچسٹر سٹی واپس چلے گئے اور کلیمنٹ لینگلیٹ کو اٹلیٹیکو میڈرڈ منتقل کر دیا گیا، تو اولمو آخر کار کھیلنے کے قابل ہو گئے ۔

اس جیت نے بارسلونا کو تین گیمز کے بعد ایک بہترین ریکارڈ کے ساتھ لا لیگا میں سرفہرست رکھا۔