صحت کا نظام تباہ،غزہ میں بیماریاں پھیلنے کا خدشہ ،عالمی ادارہ صحت
عالمی ادارہ صحت( ڈبلیو ایچ او کے مطابق اسرائیلی بمباری کی وجہ سے غزہ میں صحت کا نظام تباہ ہوگیا ہے، لوگوں کے پاس پناہ کیلئے نہ چھت ہے اور نہ ہی صاف پانی تک رسائی ، جس کی وجہ سے مختلف انفیکشنز پھیلنے کا خطرہ ہے جن میں پیٹ کی خرابی جیسے مسائل شامل ہیں۔ڈبلیو ایچ او نے کہا ہےکہ اکتوبر کے وسط سے ڈائیریا کے 33ہزار551 سے زیادہ کیسز رپورٹ ہوئے ہیں، یہ کیسز زیادہ تر 5 سال سے کم عمر کے بچوں میں دیکھے گئے ہیں۔ڈبلیو ایچ و کے مطابق متاثرہ بچوں کی تعداد میں 2021 اور 2022 کے دوران ماہانہ اوسطاً 2 ہزار کیسز کے مقابلے میں نمایاں اضافہ ہوا ہے.
