پاکستان کرکٹ ٹیم کی کوچنگ،گیری کرسٹن اور جیسن گلیسپی مضبوط امیدوار
اردو انٹرنیشنل(اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے ریڈ بال اور وائٹ بال کرکٹ کے لیے دو کوچز کی تقرری کا فیصلہ کیا ہے کیونکہ اگلے ہیڈ کوچ کی تلاش کے لیے ان کی بات چیت جاری ہے۔
مختلف رپورٹس کے مطابق ہیڈ کوچ کے تقرری کی تلاش اپنے آخری مراحل میں داخل ہو گئی ہے اور پی سی بی نے جنوبی افریقہ کے لیجنڈری کوچ اور آئی سی سی 2011 ورلڈ کپ کے فاتح گیری کرسٹن کو وائٹ بال کرکٹ کا ہیڈ کوچ مقرر کرنے کا فیصلہ کیا ہے۔
دوسری جانب سابق آسٹریلوی باؤلر جیسن گلیسپی سے بات چیت ابھی جاری ہے اور مبینہ طور پر انہیں پاکستان کی ٹیسٹ کرکٹ ٹیم کا ہیڈ کوچ مقرر کیا جا سکتا ہے۔
