پی ایس ایل 9: شاہین آفریدی 100 وکٹیں لینے والے تیسرے باؤلر بن گئے
اردو انٹرنیشنل(اسپورٹس ڈیسک)تفصیلات کے مطابق شاہین آفریدی، نے پاکستان سپر لیگ (پی ایس ایل) میں 100 وکٹیں لینے والے تیسرے باؤلر بن کر اہم سنگ میل عبور کر لیا۔
بدھ کو راولپنڈی کے کرکٹ اسٹیڈیم میں پی ایس ایل 9 کے 23 ویں میچ کے دوران لاہور قلندرز کے کپتان نے اسلام آباد یونائیٹڈ کے نسیم شاہ، کو آؤٹ کر کے تیسرے نمبر پر پہنچ گئے۔
وہاب ریاض کو پی ایس ایل کی تاریخ میں 100 وکٹیں حاصل کرنے والے پہلے باؤلر ہونے کا اعزاز حاصل ہے وہ 113 وکٹوں کی شاندار تعداد کے ساتھ لیگ کے آل ٹائم وکٹ لینے والوں میں سرفہرست ہیں۔
اس دوران حسن علی 107 وکٹوں کے ساتھ دوسرے نمبر پر ہیں اسلام آباد یونائیٹڈ کے کپتان شاداب خان (87) چوتھے جبکہ ان کے ساتھی فہیم اشرف (73) پانچویں نمبر پر ہیں۔
