Residents walk past a house damaged by a magnitude-6.5 earthquake in Mashiki, Kumamoto prefecture, southern Japan, Friday, April 15, 2016. The powerful earthquake struck Thursday night, knocking down houses and buckling roads. (Yu Nakajima/Kyodo News via AP) JAPAN OUT, MANDATORY CREDIT
7.6 شدت کے زلزلے کے بعد جاپان میں سونامی کی وارننگ جاری
اردو انٹرنیشنل (مانیٹرنگ ڈیسک) وسطی جاپان میں زلزلے کے بعد کچھ ساحلی علاقوں کے لیے سونامی کی وارننگ جاری کرتے ہوئے وہاں رہنے والوں کو انخلا کی ہدایت کی گئی۔
جاپانی میڈیا کے مطابق سی آف جاپان (Sea of Japan) میں زلزلے کے جھٹکے ریکارڈ کیے گئے جن میں سے ایک جھٹکے کی شدت 7.6 ریکارڈ کی گئی۔
زلزلے کے جھٹکوں کے ساتھ سی آف جاپان کے مختلف ساحلی علاقوں میں ایک میٹر بڑی لہریں متحرک ہوئیں اور مزید بڑی لہروں کا امکان ہے۔
جاپان کے صوبے اشیکاوا میں 7.6 شدت کا شدید زلزلہ ریکارڈ کیا گیا ہے ، جس کے بعد سونامی کی میجر وارننگ جاری کر دی گئی ہے۔ چینی خبر رساں ادارے شنہوا کے مطابق جاپان کی موسمیاتی ایجنسی (جے ایم اے) نے بتایا کہ پیر کوشام 4 بجکر 10 منٹ پر زلزلے کے شدید جھٹکے محسوس کئے گئے جن کی شدت ریکٹر سکیل پر 7.6 ریکارڈ کی گئی ہے ۔
زلزلے کا مرکز اشیکاوا کے علاقے نوٹو میں30 کلومیٹر گہرائی میں تھا ۔ جے ایم اے نے نوٹو کے علاقے کے لیے سونامی کی بڑی وارننگ جاری کر دی ہے، ملک کے بحیرہ جاپان کے کنارے کے نیگاتا، تویاما، اشیکاوا پریفیکچرز کے لیے سونامی کی وارننگ کے بعد لوگوں کو علاقے کو خالی کرنے کا کہا گیا ہے۔ جاپانی نشریاتی ادارے کی رپورٹ کے مطابق ساحلی علاقوں سے پانچ میٹر تک بلند لہریں ٹکرانے کا اندیشہ ہے۔
