The best team of the T20 World Cup has been revealed, including Pakistan's Sahibzada Farhan-ICC
انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ 2026 کی ٹیم آف دی ٹورنامنٹ کا اعلان کر دیا ہے، جس میں پاکستان کے اوپنر صاحبزادہ فرحان سرفہرست شامل ہیں۔
آئی سی سی کے مطابق صاحبزادہ فرحان نے ایونٹ میں شاندار کارکردگی کا مظاہرہ کرتے ہوئے 7 میچز میں 383 رنز اسکور کیے اور ٹورنامنٹ کے ٹاپ اسکورر رہے، جس کے باعث انہیں ٹیم آف دی ٹورنامنٹ میں جگہ دی گئی۔
ٹیم میں سب سے زیادہ چار کھلاڑی بھارت کے شامل کیے گئے ہیں جن میں سنجو سیمسن، ایشان کشن، ہاردک پانڈیا اور جسپریت بمراہ شامل ہیں۔
اس کے علاوہ انگلینڈ کے ول جیکس اور عادل راشد، جنوبی افریقا کے لنگی نگیڈی اور ایڈن مارکرم، زمبابوے کے بلیسنگ مزاربانی جبکہ ویسٹ انڈیز کے جیسن ہولڈر کو بھی ٹیم میں شامل کیا گیا ہے۔
حیران کن طور پر ٹورنامنٹ کا فائنل کھیلنے والی نیوزی لینڈ کا کوئی کھلاڑی ٹیم آف دی ٹورنامنٹ میں جگہ حاصل نہ کر سکا۔
آئی سی سی نے امریکا کے آل راؤنڈر شیڈلی وین شالک وِک کو میگا ایونٹ کی ٹیم میں 12ویں کھلاڑی کے طور پر شامل کیا ہے۔
