بھارتی کرکٹ ٹیم کے ٹی ٹوئنٹی ورلڈ کپ 2026 جیتنے پر بھارتی کرکٹ بورڈ نے کھلاڑیوں اور سپورٹ اسٹاف کے لیے خطیر انعامی رقم کا اعلان کردیا۔
بھارتی کرکٹ بورڈ (بی سی سی آئی) کے مطابق ٹی ٹوئنٹی ورلڈ کپ 2026 کی فاتح ٹیم کو مجموعی طور پر 131 کروڑ بھارتی روپے دیے جائیں گے، یہ رقم کھلاڑیوں اور ٹیم کے سپورٹ اسٹاف میں تقسیم کی جائے گی۔
اس کے علاوہ انٹرنیشنل کرکٹ کونسل (آئی سی سی) کی جانب سے بھی فاتح ٹیم کو ٹورنامنٹ کی مد میں 2.34 ملین ڈالر کی انعامی رقم دی گئی ہے۔
بھارت نے ٹی ٹوئنٹی ورلڈ کپ 2026 کے فائنل میں نیوزی لینڈ کو شکست دے کر ٹائٹل اپنے نام کیا۔
واضح رہے کہ اس سے قبل 2024 میں روہت شرما کی قیادت میں ٹی ٹوئنٹی ورلڈ کپ جیتنے پر بھارتی کرکٹ بورڈ نے ٹیم کے لیے 125 کروڑ بھارتی روپے انعام کا اعلان کیا تھا۔