Sri Lanka beat Australia by 8 wickets to qualify for Super Eights-ICC
ٹی ٹوئنٹی ورلڈ کپ کے اہم معرکے میں سری لنکا نے آسٹریلیا کو 8 وکٹوں سے شکست دے کر سپر ایٹ مرحلے کے لیے کوالیفائی کرلیا، جبکہ آسٹریلیا ایونٹ سے باہر ہونے کے دہانے پر پہنچ گیا ہے۔
پالے کیلے میں کھیلے گئے گروپ بی کے میچ میں آسٹریلیا نے پہلے بیٹنگ کرتے ہوئے 20 اوورز میں 181 رنز بنائے کپتان مچل مارش 54 اور ٹریوس ہیڈ 56 رنز کے ساتھ نمایاں رہے۔
جواب میں سری لنکا نے شاندار بیٹنگ کا مظاہرہ کرتے ہوئے ہدف باآسانی حاصل کرلیا اوپنر پاتھم نسانکا نے ناقابلِ شکست 100 رنز کی میچ وننگ اننگز کھیلی اور پلیئر آف دی میچ قرار پائے، جبکہ کوشل مینڈس نے 51 رنز کی اہم اننگز کھیلی۔
اس نتیجے کے بعد گروپ بی کی صورتحال دلچسپ ہوگئی ہے سری لنکا سپر ایٹ میں پہنچ چکا ہے، جبکہ آسٹریلیا کی اگلے مرحلے تک رسائی اب دیگر میچز کے نتائج اور رن ریٹ سے مشروط ہوگئی ہے۔
