Saudi Super Cup: Ronaldo's team 'Al-Nasr' reaches into finals Photo-Reuters
اردو انٹرنیشنل اسپورٹس ویب ڈیسک تفصیلات کے مطابق اسٹار فٹبالر کرسٹیانو رونالڈو نے النصر کو سعودی سپر کپ کے فائنل میں پہنچادیا۔
سعودی عرب کی فٹبال ٹیم النصر نے سیمی فائنل میں التعاون کلب کو 2 صفر سے شکست دی۔
سیمی فائنل کے اس میچ میں النصر کے کھلاڑی یحییٰ نے میچ کے آغاز میں پہلا گول کرکے ٹیم کو برتری دلا دی پھر رونالڈو نے دوسرے ہاف میں گول کرکے جیت یقینی بنا دی اور یوں سیمی فائنل میں التعاون کلب کو دو صفر سے شکست کا سامنا کرنا پڑا۔
اب سعودی سپر کپ کے فائنل میں رونالڈو کی ٹیم النصر روائتی حریف الہلال کلب سے 17 اگست کو مقابلہ کرے گی۔
