صائم ایوب کی آل راؤنڈ کارکردگی، پاکستان نے پہلے ٹی ٹوئنٹی میں آسٹریلیا کو شکست دیدی

لاہور: صائم ایوب کی آل راؤنڈ کارکردگی کی بدولت پاکستان نے تین میچوں کی ٹی ٹوئنٹی سیریز کے پہلے میچ میں آسٹریلیا کو 22 رنز سے شکست دے دی۔

قذافی اسٹیڈیم میں کھیلے گئے میچ میں پاکستان نے پہلے بیٹنگ کرتے ہوئے 168/8 رنز بنائے۔

صائم ایوب نے 22 گیندوں پر 40 رنز کی جارحانہ اننگز کھیلی، جبکہ کپتان سلمان علی آغا نے 39 رنز کا اہم حصہ ڈالا جواب میں آسٹریلیا کی ٹیم 169 رنز کے تعاقب میں 146/8 تک محدود رہی۔

ایوب نے باؤلنگ میں بھی شاندار کارکردگی دکھاتے ہوئے دو وکٹیں حاصل کیں، جبکہ ابرار احمد نے بھی دو کھلاڑیوں کو آؤٹ کیا۔

آسٹریلیا کی جانب سے ایڈم زمپا نے 4/24 کے شاندار اسپیل کے ساتھ نمایاں کارکردگی دکھائی۔

اس فتح کے ساتھ پاکستان نے تین میچوں کی سیریز میں 0-1 کی برتری حاصل کر لی۔