بلے کا نشان واپس لینے کے لئے پی ٹی آئی کا سپریم کورٹ سے رجوع
اردو انٹرنیشنل (مانیٹرنگ ڈیسک) پاکستان تحریک انصاف نے بلے کا نشان واپس لینے کے لیے سپریم کورت سے رجوع کر لیا۔بیرسٹر گوہر علی خان نے پشاور ہائیکورٹ کا فیصلہ سپریم کورٹ میں چیلنج کردیا۔درخواست میں سپریم کورٹ سے پشاور ہائیکورٹ کا فیصلہ کالعدم قرار دینے کی استدعا کی گئی۔تحریک انصاف نے اپیل کو کل سماعت کیلئے مقرر کرنے کی بھی استدعا کی۔
گذشتہ روز بلے کے نشان کی بحالی کے معاملے پر پشاور ہائی کورٹ نے محفوظ فیصلہ سنایا اور الیکشن کمیشن کا 22 دسمبر کا فیصلہ بحال کرتے ہوئے پی ٹی آئی سے بلا کا نشان واپس لے لیا تھا۔ پشاور ہائی کورٹ نے 26 دسمبر کو پی ٹی آئی کی درخوست پر الیکشن کمیشن کا فیصلہ معطل کیا تھا، مگر الیکشن کمیشن نے انکو سننے بغیر عدالت کی جانب سے حکم امتناع جاری کرنے پر اعتراض کیا ، جس پر عدالت کا حکم امتناع واپس لینے کے بعد الیکشن کمیشن کا 22 دسمبر کا فیصلہ بحال کر کے پی ٹی آئی انٹرا پارٹی انتخابات کو کالعدم قرار دیتے ہوئے انتخابی نشان واپس لے لیا۔
پشاور ہائیکورٹ نے پی ٹی آئی انٹرا پارٹی الیکشن اور انتخابی نشان کیس کے فیصلے پر نظرثانی اپیلوں کی سماعت ہوئی،بدھ کے روزپشاور ہائی کورٹ نے جسٹس اعجاز خان الیکشن کمیشن کی ہائیکورٹ کے 26 دسمبر آرڈر پر نظرثانی درخواست پر سماعت ہوئی سماعت کے دوران پی ٹی آئی وکیل نے کہا کہ الیکشن کمیشن کا قانون ہے جس انتخابی نشان پر پچھلے انتخابات لڑے اگلے بھی اس پر لڑے جائیں۔
الیکشن کمیشن کے وکیل سکندر بشیر مہمند اور پی ٹی آئی کے وکیل شاہ فیصل اتمانخیل عدالت میں پیش ہوئے۔دوران سماعت جسٹس اعجاز نے الیکشن کمیشن کے وکیل سے کہا کہ آپ کے دلائل ہم نے سننے ہیں۔ جس پر الیکشن کمیشن کے وکیل نے کہا کہ میں سماعت سننے کے لئے آیا ہوں،قاضی انور ایڈووکیٹ نے کہا کہ الیکشن کمیشن کے پاس انتخابی نشان لینے کا کوئی اختیار نہیں، الیکشن کمیشن کا قانون ہے جس انتخابی نشان پر پچھلے انتخابات لڑے اگلے بھی اس پر لڑے جائیں، الیکشن کمیشن انٹرا پارٹی انتخابات کا پوسٹ مارٹم تو نہیں کرسکتی۔
قاضی انور ایڈووکیٹ نے کہا کہ پی ٹی آئی نے 2013 اور 2018 انتخابات بیٹ کے نشان پر لڑے ہیں۔عدالت نے فریقین کے دلائل مکمل ہونے پر فیصلہ محفوظ کرلیا۔پشاور ہائی کورٹ نے محفوظ فیصلہ سناتے ہوئے الیکشن کمیشن کی درخواست کو منظور کرلیا۔ عدالت نے حکم امتناع واپس لے کر االیکشن کمیشن کا 22 دسمبر کا فیصلہ بحال کردیا۔
