صدر علوی کی ایک جماعت کی نمائندگی سے ان کی اپنی ساکھ کو نقصان پہنچے گا،نگران وزیر اطلاعات
اردو انٹرنیشنل مانیٹرنگ ڈیسک لاہور میں پریس کانفرنس کے دوراننگران وزیر اطلاعات مرتضیٰ سولنگی نے کہا کہ صدر کا کردار صرف ایک پارٹی تک محدود نہیں ہے، صدر کو چایئے کہ وہ تمام سیاسی جماعتوں کی نمائندگی کریں۔انہوں نے کہا کہ اگر صدر عارف علوی ایک سیاسی جماعت کی نمائندگی کرتے رہے تو اس سے ان کی اپنی ساکھ کو نقصان پہنچے گا،نگران وزیر اطلاعات نے کہا کہ صدر مملکت کو چاہیے کہ اپنے عہدے کا احترام کریں۔
نگران وزیر اطلاعات و نشریات نے کہا کہ ملک میں منتخب نمائندے حکومت کریں گے، آئین کی پاسداری اجتماعی عزم ہونا چاہیے۔آئندہ انتخابات کے حوالے سے بات کرتے ہوئے انکا کہنا تھا کہ نگران حکومت کی جانب سے قانون اور آئین کے مطابق الیکشن کمیشن کے ساتھ مکمل تعاون اور مدد فراہم کرنے کے عہد کا اعادہ کیاہے.
مرتضیٰ سولنگی نے الیکشن کمیشن کی جانب سے اہلیت اور ذمہ داری کے احساس کے مظاہرے کی تعریف کی، ان کا کہنا تھا کہ الیکشن کمیشن عام انتخابات کے لیے وضع کردہ ایکشن پلان کی پاسداری کر رہا ہے۔
