PCB announces squad for ICC Women's T20 World Cup 2026-PCB
پاکستان کرکٹ بورڈ (پی سی بی) نے آئی سی سی ویمن ٹی20 ورلڈ کپ 2026 کے لیے قومی اسکواڈ کا اعلان کر دیا ہے۔
ٹیم کی قیادت فاطمہ ثناء کریں گی جبکہ اسکواڈ میں منیبہ علی، گل فیروزہ، عائشہ ظفر، ارم جاوید، ایمان فاطمہ، عالیہ ریاض، نتالیہ پرویز، سائرہ جبین، طوبہ حسن، رامین شمیم، سعدیہ اقبال، نشرہ سندھو، ڈیانا بیگ اور تسمیہ رباب شامل ہیں۔
اسکواڈ میں شامل ایمان فاطمہ، نتالیہ پرویز، رامین شمیم، سائرہ جبین اور تسمیہ رباب پہلی مرتبہ آئی سی سی ویمن ٹی20 ورلڈ کپ میں شرکت کریں گی ریزرو کھلاڑیوں میں امبر کائنات، مومنہ ریاست، صدف شمس، سدرہ امین، سیدہ عروب شاہ اور امِ ہانی شامل ہیں۔
پاکستان ویمنز ٹیم ورلڈ کپ سے قبل آئرلینڈ میں 28 مئی سے 4 جون تک ہونے والی سہ ملکی سیریز میں حصہ لے گی، جس میں میزبان آئرلینڈ اور ویسٹ انڈیز بھی شریک ہوں گی قومی ٹیم ایونٹ سے قبل 6 جون کو سری لنکا اور 9 جون کو اسکاٹ لینڈ کے خلاف وارم اپ میچز بھی کھیلے گی۔
پاکستان ویمن ٹیم اپنے ورلڈ کپ سفر کا آغاز 14 جون کو برمنگھم میں روایتی حریف بھارت کے خلاف کرے گی، جبکہ دیگر گروپ میچز جنوبی افریقا، بنگلا دیش، آسٹریلیا اور نیدرلینڈ کے خلاف کھیلے جائیں گے۔
