Pakistan squad begins preparations for ACC Women's Under-19 T20 Asia Cup-PCB
اردوانٹرنیشنل (اسپورٹس ڈیسک) تفصیلات کے مطابق پاکستان انڈر 19 ویمن کرکٹ ٹیم نے اے سی سی ویمن انڈر 19 ٹی ٹوئنٹی ایشیا کپ میں شرکت سے قبل نیشنل بینک کرکٹ اسٹیڈیم میں حنیف محمد ہائی پرفارمنس سینٹر میں پانچ روزہ تیاری کیلئے کیمپ شروع کر دیا ہے۔
اسکواڈ کو 12 دسمبر کو ملائیشیا روانہ ہونا ہے۔
چھ ٹیموں کا یہ ٹورنامنٹ کوالالمپور میں 8 دسمبر سے شروع ہوگا، جس میں بنگلہ دیش انڈر 19 کا مقابلہ انڈیا انڈر 19 سے ہوگا۔
زوفشان ایاز کی قیادت میں 15 رکنی اسکواڈ نیٹ پریکٹس، فیلڈنگ ڈرلز، اورٹی ٹوئنٹی پریکٹس میچز کے ذریعے اپنی صلاحیتوں کو نکھارے گا۔
ہیڈ کوچ محسن کمال اور اسسٹنٹ کوچ محمد حنیف ملک ٹریننگ سیشن کی نگرانی کر رہے ہیں جبکہ پاکستان کی سابق ویمن کھلاڑی ناہیدہ خان نے بطور فیلڈنگ کوچ سیٹ اپ جوائن کیا ہے۔
پاکستان، جسے گروپ اے میں رکھا گیا ہے، اپنی مہم کا آغاز 15 دسمبر کو روایتی حریف بھارت کے خلاف میچ سے کرے گا، اس کے بعد 16 دسمبر کو نیپال کے خلاف میچ ہوگا۔
ٹاپ ٹیمیں 19 دسمبر سے شروع ہونے والے سپر فور مرحلے میں داخل ہوں گی، فائنل 22 دسمبر کو شیڈول ہے۔
پاکستان ویمن انڈر 19 اسکواڈ: زوفشان ایاز (کپتان)، کومل خان (نائب کپتان)، علیسہ مختیار، اریشہ انصاری، فاطمہ خان، فضا فیاض، ہانیہ احمر، ماہم انیس، ماہنور زیب، قرۃ العین، راویل فرحان، روزینہ اکرم، شہر بانو، طیبہ امداد، واصفہ حسین
