پاکستان شاہینز نے ٹاپ اینڈ ٹی ٹوئنٹی سیریز میں تیسری جیت اپنے نام کر لی
اردوانٹرنیشنل(اسپورٹس ڈیسک) تفصیلات کے مطابق پاکستان شاہینز نے جمعرات کو میلبورن رینیگیڈز کو چار وکٹوں سے شکست دے کر ٹاپ اینڈ ٹی ٹوئنٹی سیریز میں تیسری جیت حاصل کی۔
ہدف(108) کے تعاقب میں پاکستان شاہینز نے پہلے ہی اوور میں اوپننگ بلے باز صاحبزادہ فرحان (4) کو کھو دیا کپتان محمد حارث نے 13 گیندوں پر3 چوکے لگا کر 17 رنز بنائے۔
عمیر بن یوسف (25) نے نویں اوور میں ٹائلر پیئرسن کی گیند پر آوٹ ہونے سے قبل عثمان خان کے ساتھ تیسری وکٹ کے لیے 29 رنز کی شراکت قائم کی۔
عثمان نے 36 گیندوں پر 38 رنز بنائے جس میں ایک چھکا اور ایک چوکا شامل تھا۔
عثمان اور محمد عرفان خان (12) دونوں 17ویں اوور میں آؤٹ ہوئے اس سے پہلے کہ جہانداد خان نے اگلے اوور کی آخری گیند پر چھکا لگا کر کھیل ختم کر دیا.
ہیری ڈکسن اور کین رچرڈسن نے 2 وکٹیں حاصل کیں جبکہ پیئرسن اور کالم اسٹو نے ایک بلے باز کو آؤٹ کیا۔
پاکستان شاہینز نے پہلے فیلڈنگ کا انتخاب کرتے ہوئے وقفے وقفے سے وکٹیں حاصل کیں۔ مبصر خان نے تیسرے اوور میں اوپننگ بلے باز بلیک میکڈونلڈ (18) کو پویلین بھیجا.
ڈکسن اور مارکس ہیرس بالترتیب چھٹے اور ساتویں اوور میں 6.1 اوورز میں بورڈ پر40-3 کے مجموعی اسکور کے ساتھ روانہ ہوئے۔
رینیگیڈس نے درمیانی اوورز میں جدوجہد جاری رکھی اور وہ 18.3 اوورز میں 107 رنز پر ڈھیرہو گئے۔
وکٹ کیپر بلے باز جے لیمیر (23) رینیگیڈس کے لیے ٹاپ اسکورر تھے اور آؤٹ ہونے والے آخری بلے باز تھے۔
شاہینز کی جانب سے جہانداد نے3 جبکہ عارف یعقوب، محمد عمران جونیئر اور فیصل اکرم نے 2 وکٹیں حاصل کیں۔
پاکستان شاہینز کل اپنے اگلے ٹاپ اینڈ ٹی ٹوئنٹی سیریز کے فکسچر میں بنگلہ دیش ‘اے’ سے ٹکرائے گے۔
