Pakistan gets to host the Women's T20 World Cup-ICC
انٹرنیشنل کرکٹ کونسل (آئی سی سی) نے تصدیق کی ہے کہ 2028 ویمن ٹی20 ورلڈ کپ کی میزبانی پاکستان کرے گا، تاہم بھارت اپنے تمام میچز غیر جانبدار مقام پر کھیلے گا۔
یہ فیصلہ پاکستان اور بھارت کے درمیان موجودہ سفارتی تناؤ کے باعث اپنائے گئے ہائبرڈ ماڈل کے تحت کیا گیا ہے، جو مردوں کے بڑے عالمی ایونٹس میں بھی استعمال ہوتا رہا ہے۔
یہ اعلان احمد آباد میں منعقدہ آئی سی سی بورڈ اجلاس کے بعد کیا گیا، جہاں عالمی کرکٹ کے انتظامی امور، خواتین کی کرکٹ کے فروغ اور کھیل کے قوانین میں بہتری سے متعلق اہم فیصلوں کی منظوری دی گئی۔
آئی سی سی بورڈ نے چیف ایگزیکٹوز کمیٹی کی سفارشات بھی منظور کیں، جن میں ٹیسٹ کرکٹ میں خراب روشنی کی صورت میں کھیل جاری رکھنے کے لیے دونوں ٹیموں کی رضامندی سے گلابی گیند کے استعمال کی آزمائش شامل ہے۔
