کرکٹ آسٹریلیا کا سیریز کے لیے پاکستان فین زون قائم،شائقین کے لیے نماز کے مقامات بھی مختص

اردو انٹرنیشنل (اسپورٹس ڈیسک) تفصیلات کے مطابق کرکٹ آسٹریلیا نے نومبر میں شیڈول آئندہ وائٹ بال سیریز کے لیے پاکستان کے مداحوں کے لیے مخصوص زون قائم کرنے کے منصوبے کا اعلان کیا ہے۔

میلبورن، سڈنی، برسبین، پرتھ، ہوبارٹ اور ایڈیلیڈ کے پانچ مقامات پر پاکستانی شائقین کے لیے فین زونز ہوں گے۔

یہ دلچسپ اقدام سی اے کے کثیر الثقافتی ایکشن پلان کے ساتھ ہم آہنگ ہے جس کا مقصد شمولیت کو فروغ دینا اور متنوع پس منظر سے کرکٹ کے شائقین کو شاندار تجربات فراہم کرنا ہے۔

سی اے پاکستان کے شائقین کے لیے بیٹھنے کے لیے مخصوص جگہیں قائم کرے گا جہاں وہ حلال کھانے اور دیسی کھانوں سے لطف اندوز ہوتے ہوئے آرام سے ایکشن کو دیکھ سکتے ہیں پاکستان فین زونز میں شائقین کے لیے نماز کے مقامات بھی مختص کیے جائیں گے۔

فین زونز کے لیے ٹکٹوں کی فروخت کی تفصیلات کا جلد اعلان کیا جائے گا جو پاکستانی شائقین کو متحرک ماحول میں ہائی ایکشن سیریز سے لطف اندوز ہونے کے موقع سے فائدہ اٹھانے کی ترغیب دے گا۔

پاکستان اور آسٹریلیا کے درمیان تین ون ڈے میچوں کی سیریز 4 نومبر سے مشہور میلبورن کرکٹ گراؤنڈ میں شروع ہوگی جس کے بعد 14 نومبر سے تین ٹی ٹوئنٹی کھیلے جائیں گے۔

پاکستان نے آخری بار 2022 میں آسٹریلیا میںٹی ٹوئنٹی ورلڈ کپ فائنل کھیلا تھا۔

سیریز کا شیڈول:
نومبر4: پہلا ون ڈے، میلبورن

نومبر8: دوسرا ون ڈے، ایڈیلیڈ اوول، ایڈیلیڈ

نومبر10: تیسرا ون ڈے، پرتھ اسٹیڈیم، پرتھ

نومبر14: پہلا ٹی ٹوئنٹی، دی گابا، برسبین

نومبر16: دوسرا ٹی ٹوئنٹی، SCG، سڈنی

نومبر18: تیسرا ٹی ٹوئنٹی، بیلریو اوول، ہوبارٹ