Pakistan cycling coach Mahim Tariq has completed UCI Level 2 coaching course
اردو انٹرنیشنل اسپورٹس ویب ڈیسک تفصیلات کے مطابق پاکستان کی ویمن سائیکلنگ کوچ ماہم طارق نے یو سی آئی لیول ٹو سرٹیفکیٹ حاصل کر لیا ہے۔ کوچنگ کورس کا انعقاد کوریا کے ورلڈ سائیکلنگ سنٹر میں کیا گیا تھا۔
صدر سائیکلنگ فیڈریشن اظہرعلی شاہ کا کہنا ہے کہ ماہم طارق کا لیول ٹو سرٹیفکیٹ حاصل کرنا پاکستان کے لیے ایک اعزاز اور قابلِ فخر لمحہ ہے۔
اظہرعلی شاہ نے مزید کہا کہ ماہم طارق اب پاکستان میں ویمن سائیکلنگ کی ڈویلپمنٹ کے لیے معاون ثابت ہوں گی۔
اس بارے میں ماہم طارق کا کہنا ہے کہ مجھے خوشی ہے کہ میں نے یو سی آئی لیول 2 کوچنگ کورس مکمل کرلیا ہے اور اب میں باضابطہ یو سی آئی لیول 2 سرٹیفائیڈ کوچ بن چکی ہوں۔
ماہم طارق کہتی ہیں کہ اپنے ملک کی اب اچھے انداز میں خدمت کر سکتی ہوں اور اب میں ویمن سائیکلنگ کے فروغ میں مدد کر سکتی ہوں۔
انہوں نے مزید کہا کہ پاکستان سائیکلنگ فیڈریشن کی شکر گزار ہوں جنہوں نے میرے اوپر اعتماد کیا۔
مزید پڑھیں ؛ انڈیا اولمپک ایسوسی ایشن نے اولمپکس کے لیے سکواڈ کا اعلان کردیا
