T20 World Cup: Pakistan team kit unveiling cancelled, sources-PCB
پاکستان کرکٹ بورڈ نے ٹی ٹوئنٹی ورلڈ کپ 2026 کے لیے 15 رکنی قومی اسکواڈ کا اعلان کر دیا ہے، جس کی قیادت سلمان علی آغا کریں گے۔
لاہور میں ہونے والی پریس کانفرنس میں کپتان سلمان علی آغا، ہیڈ کوچ مائیک ہیسن اور ڈائریکٹر ہائی پرفارمنس سینٹر عاقب جاوید نے ٹیم کا اعلان کیا۔
اسکواڈ میں بابر اعظم، شاہین شاہ آفریدی، نسیم شاہ، شاداب خان، فخر زمان، صائم ایوب، محمد نواز، ابرار احمد، عثمان خان، فہیم اشرف، صاحبزادہ فرحان، خواجہ محمد نافع، محمد سلمان مرزا اور عثمان طارق شامل ہیں۔
اس موقع پر عاقب جاوید نے کہا کہ سری لنکا کی کنڈیشنز کو مدنظر رکھتے ہوئے بہترین کمبی نیشن منتخب کیا گیا ہے اور تینوں فارمیٹ کے لیے ایک جیسا انتخاب ممکن نہیں انہوں نے بابر اعظم کے کردار کو بھی ٹیم کے لیے اہم قرار دیا۔
کپتان سلمان علی آغا کا کہنا تھا کہ ایک ہی وینیو پر میچز کھیلنے کا فائدہ ضرور ہوگا، تاہم اچھی کرکٹ کھیلنا ضروری ہے۔
واضح رہے کہ ٹی ٹوئنٹی ورلڈ کپ کے میچز 7 فروری سے 8 مارچ تک ہوں گے، جبکہ پاکستان 7 فروری کو نیدرلینڈز کے خلاف اپنی مہم کا آغاز کرے گا۔
