شمالی وزیرستان: نامعلوم شرپسندوں نے گرلز اسکول کو بم سے اڑا دیا
اردو انٹرنیشنل (مانیٹرنگ ڈیسک) شمالی وزیرستان میں نامعلوم شرپسندوں نے بچیوں کے اسکول کو بم سے اڑا دیا۔
شمالی وزیرستان کی ضلعی انتظامیہ کے مطابق، نامعلوم شرپسندوں نے اسلامیہ گرلز اسکول شوہ درازندہ کو رات گئے بارودی مواد سے تباہ گیا۔
ڈی پی او شمالی وزیرستان نے کہا ہے کہ واقعہ کی تحقیقات جاری ہے، ملزمان کو گرفتار کرکے سخت سزا دی جائے گی۔ انہوں نے بتایا کہ دھماکے کے نتیجے میں اسکول کی عمارت کو جزوی نقصان پہنچا ہے۔
واقعہ کی تاحال کسی گروپ نے ذمہ داری قبول نہیں کی۔
