LPL 2024: Shadab Khan confident of repeating his performance in international cricket
ایل پی ایل 2024: شاداب خان اپنی کارکردگی کو بین الاقوامی کرکٹ میں دہرانے کے لیے پراعتماد
اردو انٹرنیشنل (اسپورٹس ڈیسک )تفصیلات کے مطابق پاکستان کے آل راؤنڈر شاداب خان کولمبو اسٹرائیکرز کی نمائندگی کرتے ہوئے لنکا پریمیئر لیگ (ایل پی ایل) 2024 میں گیند کے ساتھ شاندار فارم میں ہیں۔
نوجوان بہت زیادہ دباؤ میں تھے کیونکہ وہ ٹی ٹوئنٹی ورلڈ کپ میں ایک بھی وکٹ نہیں لے سکے تھے۔
لیکن، لیگ اسپنر کو اپنی فارم واپس مل گئی ہے اور وہ ٹورنامنٹ میں سب سے زیادہ وکٹ لینے والے باولر ہیں انہوں نے 6 میچوں میں 8.64 کی اوسط سے 14 وکٹیں حاصل کیں انہوں نے اتوار کو جافنا کنگز کے خلاف اپنے بہترین اعداد و شمار حاصل کیے جہاں انھوں نے 4 وکٹیں حاصل کیں اوردوسرے پلیئر آف دی میچ کا اعزاز حاصل کیا۔
انہوں نے میچ کے بعد کہا کہ میں نے پچھلے تین مہینوں میں جدوجہد کی لیکن یہی کرکٹ کی خوبصورتی ہے، اچانک آپ پرفارم کرنا شروع کر دیتے ہیں اور امید ہے کہ یہ پاکستان کے ساتھ بھی جاری رہے گا۔
یاد رہے کہ شاداب نے اس ماہ کے شروع میں اپنے ایل پی ایل ڈیبیو پر ہیٹ ٹرک کی انہوں نے اپنی ہیٹ ٹرک مکمل کرنے کے لیے کینڈی فالکنز کے کپتان وینندو ہسرنگا، سلمان علی آغا اور پون رتھنائیکے کی وکٹیں حاصل کیں اور 4/22 کے اعداد و شمار کے ساتھ اختتام کیا۔
