لکی مروت: نامعلوم افراد کی گھر میں گھس کر فائرنگ سے ایک ہی خاندان کے 8 افراد قتل
خیبرپختونخوا کے شہر لکی مروت کے علاقے تختی خیل میں رات گئے نامعلوم افراد نے گھر میں گھس کر فائرنگ کرکے ایک ہی خاندان کے 8 افراد کو قتل کردیا۔
پولیس نے بتایا کہ قتل ہونے والوں میں 2 خواتین، 2 بچے اور 4 مرد شامل ہیں،جنہیں گولیاں مار کر قتل کیا گیا ہے.
ذرائع کے مطابق پولیس نے موقع پر پہنچ کر واقعے کی تحقیقات شروع کردی ہیں، واقعے کی نوعیت معلوم کی جارہی ہے.
تمام لاشیں ایک ہی خاندان والوں کی ہیں، بدقسمت خاندان کا گھر گاوں سے باہر اپنی زمینوں میں ہے.
اہل علاقہ کے مطابق آج صبح اہل علاقہ کو پتہ چلا کہ گھر میں لاشیں پڑی ہیں ، واقعہ کل شام سے پہلے کا معلوم ہوتا ہے۔
اہل علاقہ کا احتجاج کیلئے مساجد کے لاوڈ سپیکروں پر اعلانات جبکہ پولیس جاء وقوعہ پر پہنچ گئی