اسرائیل کا حزب اللہ کے 2 کمانڈروں کو ہلاک کرنے کا دعویٰ

اسرائیل کا حزب اللہ کے 2 کمانڈروں کو ہلاک کرنے کا دعویٰ

اردو انٹرنیشنل (مانیٹرنگ ڈیسک) اسرائیلی فوج نے کہا ہے کہ انہوں نے جنوبی لبنان میں فضائی حملوں میں حزب اللہ کے دو کمانڈروں کو ہلاک کر دیا ہے۔

اسرائیلی حملے میں ہلاک ہونے والے احمد مصطفیٰ الحاج علی، جن کے بارے میں اسرائیلی فوج نے کہا ہے کہ وہ کریات شمونہ شہر پر سینکڑوں راکٹ اور ٹینک شکن میزائل داغنے کے ذمہ دار تھے.

اسرائیل نے محمد علی حمدان کو بھی ہلاک کرنے کا دعویٰ کیا ہے جن کے بارے میں کہا گیا ہے کہ وہ شمالی اسرائیل پر میزائل حملے کرنے کے ذمہ دار تھے۔

اسرائیلی فوج نے یہ بھی دعویٰ کیا کہ انہوں نے رات بھر بیروت میں ہتھیاروں کے گوداموں اور جنوبی لبنان میں دیگر فوجی انفراسٹرکچر پر بمباری کی۔

تاہم حزب اللہ کی جانب سے فوری طور پر کوئی تبصرہ نہیں کیا گیا۔