اسلام آباد یونائیٹڈ نے لیوک رونکی کو نیا ہیڈ کوچ مقرر کر دیا

پی ایس ایل فرنچائز اسلام آباد یونائیٹڈ نے سابق کھلاڑی لیوک رونکی کو ٹیم کا نیا ہیڈ کوچ مقرر کر دیا ہے فرنچائز کے مالک علی نقوی کے مطابق رونکی ٹیم کے ماحول اور کلچر سے بخوبی واقف ہیں اسی تسلسل کو برقرار رکھنے کے لیے انہیں یہ ذمہ داری سونپی گئی ہے۔

ہیڈ کوچ مقرر ہونے پر لیوک رونکی نے کہا کہ اسلام آباد یونائیٹڈ ہمیشہ ان کے لیے گھر جیسی رہی ہے اور اس کردار میں واپسی ان کے لیے اعزاز ہے انتظامیہ کے مطابق سابق کھلاڑیوں کو کوچنگ میں شامل کرنا ٹیم کی پالیسی کا حصہ ہے۔

لیوک رونکی پی ایس ایل کے ساتھ ساتھ بین الاقوامی کوچنگ کا تجربہ بھی رکھتے ہیں اور نیوزی لینڈ کے کوچنگ سیٹ اپ میں خدمات انجام دے چکے ہیں۔