سعودی ایر لائن کی پرواز کی کراچی میں ایمرجنسی لینڈنگ

سعودی ایر لائن کی پرواز کی کراچی میں ایمرجنسی لینڈنگ

اردو انٹرنیشنل( مانیٹرنگ ڈیسک) تفصیلات کے مطابق بنگلہ دیش کے دارالحکومت ڈھاکا سے سعودی کیپیٹل ریاض کے لیے پرواز بھرنے والے مسافر طیارےنے دورانِ پرواز مسافر کی طبیعت خراب ہونے پر کراچی ائر پورٹ پر ایمرجنسی لینڈنگ کر لی۔

سعودی ائیر کی پرواز ڈھاکا سے ریاض کیلئے روانہ ہوئی تھی تاہم طیارہ ابھی بھارتی فضائی حدود میں تھا کہ طیارے میں سوار ایک مسافر کی طبیعت خراب ہوئی جس پر پائلٹ نے طیارے کا رخ ممبئی کی طرف موڑ دیا۔

تاہم ائیر ٹریفک کنٹرولر کی ہدایت پر طیارے کا رخ کراچی کی طرف کردیا گیا اور پرواز نے کراچی کے جناح انٹرنیشنل ائیرپورٹ پرصبح ساڑھے 7 بجے پرلینڈ کیا۔

ڈاکٹرز کی ٹیم نے طیارے میں سوار مسافر کا معائنہ کیا اور اسے طبی امداد فراہم کی، جس کے بعد پرواز کو ریاض کے لیے روانہ کیا گیا۔