الیکشن2024: 8 فروری کو افغانستان اور ایران کے ساتھ بارڈر بند رہے گا،دفتر خارجہ

اردو انٹرنیشنل (مانیٹرنگ ڈیسک ) ترجمان دفتر خارجہ نے کہا ہے کہ 8 فروری کو ہونے والے الیکشن کے روز افغانستان اور ایران کے ساتھ بارڈر بند رہے گا۔

ذرائع کے مطابق ترجمان کا کہنا تھا کہ بارڈر بند کرنے کا فیصلہ سیکیورٹی خدشات کے پیش نظر کیا گیا ہے۔

انہوں نے مزید بتایا کہ 9 فروری کو افغانستان اور ایران کے ساتھ بارڈر معمول کے مطابق کھل جائے گا۔

اسی حوالے سے بارڈر حکام کا بھی کہنا تھا کہ سیکیورٹی خدشات کے پیش نظر طورخم بارڈر کو آج رات 12 بجے سے کل رات 12 بجے تک بند رکھنے کا فیصلہ کیا گیا ہے۔

بارڈر حکام نے بتایا ہے کہ الیکشن کے پرامن انعقاد کے لیے بارڈر بند کرنے کا فیصلہ کیا گیا ہے، طور خم بارڈر پر 24 گھنٹے تک ہر قسم کی آمدورفت معطل ہوگی۔

انہوں نے مزید کہا کہ طورخم سرحد پر سیکیورٹی کے سخت انتظامات کیے گئے ہیں ، بارڈر پر کسٹم سمیت تمام سرکاری دفاتر بھی بند رہیں گے۔

بارڈر حکام کے مطابق کسی کو بھی بارڈر کراس کرنے کی اجازت نہیں دی جائے گی۔

یہ بھی پڑہیے