کپتان محمد رضوان نے آسٹریلیا کے دوسرے ون ڈے میں ورلڈ ریکارڈ برابر کر دیا

اردوانٹرنیشنل(اسپورٹس ڈیسک) تفصیلات کے مطابق وائٹ بال کے کپتان محمد رضوان نے جمعہ کو ایڈیلیڈ اوول میں آسٹریلیا کے خلاف تین میچوں کی سیریز کے دوسرے ون ڈے میں ورلڈ ریکارڈ برابر کیا.

وائٹ بال کے کپتان رضوان نے ایک ون ڈے میں وکٹ کیپر کے سب سے زیادہ کیچز کا ریکارڈ برابر کر دیا۔

بتیس سالہ کھلاڑی نے اسٹمپ کے پیچھے 6 کیچ کیے اور آسٹریلیا کے ایڈم گلکرسٹ، جنوبی افریقہ کے مارک باؤچر اور کوئنٹن ڈی کاک، انگلینڈ کے ایلک اسٹیورٹ اور میٹ پرائر، اسکاٹ لینڈ کے میتھیو کراس اور ہم وطن سرفراز احمد کے ساتھ برابری کی۔

قابل ذکر بات یہ ہے کہ رضوان کو مشترکہ طور پر قائم ریکارڈ کو توڑنے کا موقع ملا جب ایڈم زمپا نے 34ویں اوور میں نسیم شاہ کی گیند پر کیچ دیا، جو کپتان نےڈراپ کر دیا.