بابر اعظم اور امام الحق سمیت دیگر قومی کرکٹرز عمرے کی ادائیگی کے لیے سعودی عرب پہنچ گئے
اردو انٹرنیشنل (اسپورٹس ڈیسک) تفصیلات کے مطابق پاکستان سپر لیگ کے سیزن 9 کے خاتمے کے بعد قومی ٹیم کے اسٹار بلے باز بابراعظم اور امام الحق عمرہ کی ادائیگی کے لیے مکہ پہنچ گئے ہیں۔
بابر اعظم گزشتہ روز ساتھی کرکٹر امام الحق کے ہمراہ لاہور سے سعودی عرب روانہ ہوئے تھے۔
عمرے پر جانے والے دیگر کرکٹرز میں آل راؤنڈر افتخار احمد بھی شامل ہیں جو عمرہ کی ادائیگی کے لیے مکہ پہنچ چکے ہیں۔
اس کے علاوہ قومی کرکٹ ٹیم کے فاسٹ بولر نسیم شاہ بھی والد کے ہمراہ عمرہ کی ادائیگی کے لیے سعودی عرب پہنچ گئے۔
