پنجگور:سیکورٹی فورسز کاانٹیلی جنس آپریشن،1 دہشتگرد ہلاک،2 زخمی
پاک فوج کے شعبہ تعلقات عامہ آئی ایس پی آر کے مطابق 20/21 مارچ کی شب، سیکورٹی فورسز نے ضلع پنجگور میں انٹیلی جنس آپریشن کیا۔
آئی ایس پی آر کے مطابق آپریشن کے دوران پاک فوج کے جوانوں نے دہشت گردوں کے ٹھکانے کا موثر انداز میں پتہ لگایا جس کے نتیجے میں دہشت گرد چاکر لیاقت مارا گیا، جب کہ دو دہشت گرد زخمی ہوگئے۔
مارے گئے دہشت گرد کے قبضے سے اسلحہ اور گولہ بارود بھی برآمد ہوا جو دہشت گردی کی متعدد کارروائیوں میں سرگرم رہا۔
آئی ایس پی آر کا کہنا ہے کہ سینیٹائزیشن آپریشن علاقے میں پائے جانے والے کسی بھی دوسرے دہشت گرد کو ختم کرنے کے لیے کیا جا رہا ہے کیونکہ پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔