ایشین انڈر 14 ٹینس ایونٹ: پاکستان کے حسن عثمانی فائنل میں پہنچ گئے

اردو انٹرنیشنل (اسپورٹس ویب ڈیسک) تفصیلات کے مطابق جدہ میں جاری ایشین انڈر 14 ٹینس ایونٹ میں پاکستان کے حسن عثمانی نے شاندار کارکردگی کا مظاہرہ کرتے ہوئے ایونٹ میں سنگلز اور ڈبلز کے فائنل میں رسائی حاصل کرلی۔

سنگلز ایونٹ کے سیمی فائنل میں حسن عثمانی نے فلپائنز کے مارکوس لورینزو کو 6-0 اور 6-1 سے شکست دی۔ فائنل میں حسن عثمانی کا مقابلہ ٹاپ سیڈ ترکمانستان کے سلیمان ہودیباردیو سے ہوگا۔

سنگلز فائنل کے حریف سلیمان ہودیباردیو ڈبلز میں حسن عثمانی کے پارٹنر ہیں، ڈبلز میں حسن اور سلیمان کی جوڑی نے ایونٹ کے فائنل میں جگہ بنائی۔

سیمی فائنل میں حسن اور سلیمان نے فہد سیف اور مارکوس لورینزو کی جوڑی کو 7-5اور6-2 سے ہرایا۔

ڈبلز میں پاک، ترکمانستان جوڑی کا مقابلہ سعودی پیئر انس الزہرانی اور سہیل التاجی الفاروقی سے ہوگا۔