Asia Cup Rising Stars: Pakistan Shaheens beat Sri Lanka A by 5 runs to reach final-ACC
دوحا میں کھیلے گئے ایشیا کپ رائزنگ اسٹارز کے دوسرے سیمی فائنل میں پاکستان شاہینز نے سنسنی خیز مقابلے کے بعد سری لنکا اے کو 5 رنز سے شکست دے کر فائنل میں جگہ بنا لی۔
پاکستان نے پہلے بیٹنگ کرتے ہوئے 9 وکٹوں کے نقصان پر 153 رنز اسکور کیے، جس میں غازی غوری 39 رنز کے ساتھ نمایاں رہے معاذ صداقت نے 23 جبکہ احمد دانیال اور سعد مسعود نے 22، 22 رنز کی اننگز کھیلیں۔
سری لنکا کی جانب سے پرمود مدھوشن نے 4 اور تراوین میتھیو نے 3 وکٹیں حاصل کیں۔
ہدف کے تعاقب میں سری لنکا اے کی ٹیم آخری گیند تک جدوجہد کرتی رہی اور 9 وکٹوں پر 148 رنز بنا سکی ملن نے 40، ویشن نے 29 اور لاستھ نے 27 رنز اسکور کیے
پاکستان کی جانب سے سفیان مقیم اور سعد مسعود نے 3، 3 وکٹیں حاصل کیں۔
آل راؤنڈ کارکردگی پر سعد مسعود کو میچ کا بہترین کھلاڑی قرار دیا گیا پاکستان شاہینز اب اتوار کو فائنل میں بنگلادیش کے خلاف میدان میں اترے گے۔
