معروف ٹینس اسٹار اعصام الحق پاکستان ٹینس فیڈریشن کے صدر منتخب
معروف ٹینس اسٹار اعصام الحق پاکستان ٹینس فیڈریشن کے صدر منتخب
اردو انٹرنیشنل ( اسپورٹس ڈیسک) تفصیلات کے مطابق
ٹینس اسٹار اعصام الحق پاکستان ٹینس فیڈریشن کے نئے صدر منتخب ہوگئے ہیں.
اعصام الحق قریشی نےٹینس فیڈریشن کے صدر کا انتخاب صرف ایک ووٹ کی برتری سے جیتا. اعصام الحق کو انتخاب میں 8 ووٹ ملے جبکہ ان کے مدقابل امیدوار اصغر نواز کو 7 ووٹ ملے.
اسکےعلاوہ کرنل (ر) ضیا سیکرٹری جنرل اور عارف قریشی پاکستان ٹینس فیڈریشن کے فنانس سیکرٹری منتخب ہوئے. الیکشن کمشنر کے فرائض سابق چیف سیکرٹری شکیل درانی نے سر انجام دیے.
یاد رہے کہ اعصام الحق اگلے 4 سال کے لیے پاکستان ٹینس فیڈریشن کے صدر منتخب ہوئے ہیں۔
اعصام الحق کا کہنا ہے کہ ٹینس کھیل کی ترقی کیلئے اپنا کردار ادا کرنا چاہتا ہوں اور کھیل کی بہتری کیلئے ہر قسم کی ممکنہ کوشش کی جائے گی.
انہوں نے کہا کہ میری خواہش ہے کہ ہمارے نوجوان کھلاڑی دنیا میں پاکستان کا نام روشن کریں۔ بطور کھلاڑی جتنا کچھ میں نے 25 سال کے کیریئر میں سیکھا ہے وہ باقی کھلاڑیوں اور فیڈریشن کےساتھ شیئر کرنا چاہتا ہوں. باقی ترجیحات کا اعلان پاکستان ٹینس فیڈریشن کا صدر منتخب ہونے کے بعد کروں گا۔
ڈیوس کپ میں حریف ٹیم سے سخت مقابلہ ہوگا: قومی ٹینس سٹار اعصام الحق
