ایف اے کپ میں دو بڑی ٹیموں کا ٹکراو، آرسنل بمقابلہ لیور پول

پریمیئر لیگ کی دو بڑی ٹیموں کے درمیان FA کپ کے سنسنی خیز تصادم میں، لیورپول نے ایمریٹس اسٹیڈیم میں آرسنل کے خلاف 2-0 سے فتح حاصل کی۔ مایکل آرٹیٹا کی ٹیم آرسنل کی جانب سے پہلے ہاف میں مضبوط کارکردگی کے باوجود کوئی گول اسکور نہ ہو سکا، اس جدوجہد میں مارٹن اوڈیگارڈ نے دو دفعہ بار کو مارا اور ریس نیلسن اور کائی ہاورٹز کے مواقع بھی ضائع ہوے، دوسری جانب لیورپول مضبوطی سے قائم رہنے میں کامیاب رہا۔

لیورپول کو اہم کھلاڑیوں ورجل وین ڈجک ، جو بیماری کی وجہ سے غیر حاضر تھے اور محمد صلاح جو اس وقت افریقہ کپ آف نیشنز میں حصہ لے رہے ہیں ،کے بغیر کھیلنا چیلنج کے مترادف تھا۔ اس کے باوجود، لیورپول کا دفاع کامیاب رہا، ٹرینٹ الیگزینڈر-آرنلڈ نے بار کو نشانہ بنایا اور گول کیپر آرون رامسڈیل نے اس اہم کوشش کو بچایا۔

جیسے ہی ایف اے کپ ٹائی اپنے 80 ویں منٹ کے قریب پہنچی، ایک اہم موڑ ، اس وقت آیا جب جیکب کیویئر نے، الیگزینڈر-آرنلڈ کی فری کک کا دفاع کرنے کی کوشش کے دوران حادثاتی طور پہ بال کو اپنے گول میں مار دیا اور اس انحراف نے لیورپول کو برتری دلادی۔ نتیجہ سٹاپج ٹائم میں سیل ہو گیاجب لوئس ڈیاز نے ایک مہلک وقفے کا فائدہ اٹھاتے ہوئے بال کو گول میں داغ دیا اور یوں لیور پول نے آرسنل کو ایک اہم میچ میں ہرا کر ایف اے کپ سے باہر کر دیا۔