سندھ ہائیکورٹ بار کا امیدواروں سے کاغذات نامزدگی چھیننے پر اظہار تشویش
سندھ ہائی کورٹ بار ایسوسی ایشن نے امیدواران سے کاغذات نامزدگی چھیننے کے واقعے پر تشویش کا اظہار کیا ہے۔ذرائع کے مطابق بار کی جانب سے جاری کردہ اعلامیے میں کہا گیا ہے کہ سپریم کورٹ نے بر وقت اور شفاف انتخابات کرانے کی یقین دہانی کرائی ہے، ہائی کورٹ بار سپریم کورٹ کے فیصلے کی مکمل حمایت کرتی ہے، امیدواروں سے کاغذات نامزدگی چھیننا اور الیکشن مہم میں رکاوٹیں ڈالنا آئین کی خلاف ورزی ہے۔
اعلامیے میں استدعا کی گئی ہے کہ الیکشن کمیشن سمیت متعلقہ ادارے ذمہ داران کے خلاف کارروائی کریں، سپریم کورٹ اور الیکشن کمیشن ایسے واقعات پر نوٹس لے، آئین پاکستان ہر سیاسی جماعت ہر شہری کو الیکشن میں حصہ لینے کی اجازت دیتا ہے، تمام ادارے سیاسی جماعتوں سمیت انفرادی حیثیت سے الیکشن میں حصہ لینے والوں کو لیول پلیئنگ فیلڈ دیں۔
