محمد عباس نے پروفیشنل کرکٹ میں ایک ہزار وکٹیں مکمل کرکے ایک اور بڑا اعزاز اپنے نام کرلیا بنگلادیش کے خلاف سہلٹ ٹیسٹ کی پہلی اننگز میں تین وکٹیں حاصل کرتے ہوئے انہوں نے یہ تاریخی سنگِ میل عبور کیا۔
پاکستانی فاسٹ بولر کے کیریئر میں اب تک 884 فرسٹ کلاس، 84 لسٹ اے اور 32 ٹی ٹوئنٹی وکٹیں شامل ہیں، جو ان کی مستقل مزاجی اور شاندار بولنگ کا منہ بولتا ثبوت ہیں۔
سہلٹ ٹیسٹ کی پہلی اننگز میں بنگلادیشی ٹیم 278 رنز بنا کر آؤٹ ہوئی، جہاں محمد عباس نے اہم کردار ادا کرتے ہوئے اوپنرز محمود الحسن جوئے اور تنزید حسن کے علاوہ کپتان نجم الحسن شانتو کی وکٹ بھی حاصل کی۔
