T20 World Cup: Faheem Ashraf leads Pakistan to a narrow win against the Netherlands-PCB
کولمبو: ٹی 20 ورلڈکپ کے افتتاحی میچ میں فہیم اشرف کی ذمہ دارانہ اور جارحانہ بیٹنگ کی بدولت پاکستان نے ایک ہارا ہوا میچ جیت میں بدل دیا۔
گرین شرٹس نے 148 رنز کا ہدف آخری اوورز میں حاصل کر کے ایونٹ کا فاتحانہ آغاز کیا۔
کولمبو کے سنہالیز اسپورٹس کمپلیکس میں کھیلے گئے میچ میں پاکستان نے ٹاس جیت کر نیدرلینڈز کو پہلے بیٹنگ کی دعوت دی۔
نیدرلینڈز کی ٹیم مقررہ 20 اوورز میں 147 رنز بنا کر آؤٹ ہو گئی کپتان اسکاٹ ایڈورڈز 37 اور باس ڈی لیڈ 30 رنز کے ساتھ نمایاں رہے، جبکہ مائیکل لیوٹ نے 24 اور کولن ایکر مین نے 20 رنز اسکور کیے۔
دیگر کھلاڑیوں میں میکس او داؤد 5، زیک لائن کیشے 9، وینڈر مروا 4 اور آریان دت 13 رنز بنا سکے، جبکہ لوگن وین بیک اور پال وین میکران بغیر کوئی رن بنائے پویلین لوٹ گئے۔
پاکستان کی جانب سے بولنگ میں سلمان مرزا نے شاندار کارکردگی کا مظاہرہ کرتے ہوئے 3 وکٹیں حاصل کیں، جبکہ محمد نواز، صائم ایوب اور ابرار احمد نے 2،2 کھلاڑیوں کو آؤٹ کیا۔ شاہین شاہ آفریدی نے ایک وکٹ حاصل کی۔
جواب میں پاکستان کی بیٹنگ ابتدا میں مشکلات کا شکار رہی صاحبزادہ فرحان نے 47 رنز کی اہم اننگز کھیلی، تاہم دیگر بیٹرز خاطر خواہ کارکردگی نہ دکھا سکے صائم ایوب 24، بابر اعظم 15 اور سلمان علی آغا 12 رنز بنا کر آؤٹ ہوئے، جبکہ عثمان خان صفر پر پویلین لوٹ گئے۔
اہم موقع پر فہیم اشرف نے اعصاب شکن صورتحال میں ذمہ دارانہ بیٹنگ کرتے ہوئے ٹیم کو فتح سے ہمکنار کیا اور پاکستان نے آخری اوورز میں ہدف حاصل کر کے ٹی 20 ورلڈکپ کا کامیاب آغاز کیا۔
