اردو انٹرنیشنل (اسپورٹس ویب ڈیسک) تفصیلات کے مطابق وولور ہیمپٹن وانڈررز کے نئے پرتگالی کوچ ویتر پریرا نے اپنے پریمیئر لیگ کے سفر کا شاندار آغاز کیا، جب ان کی ٹیم نے لیسٹر سٹی کو 3-0 سے شکست دے کر ریلیگیشن زون سے باہر نکلنے کی امیدیں روشن کر دیں۔

ویتر پریرا، جنہیں جمعرات کو گیری او نیل کی جگہ مقرر کیا گیا تھا، نے اپنی پہلے ہی میچ میں ٹیم میں چار اہم تبدیلیاں کیں۔ ان تبدیلیوں میں پرتگالی کھلاڑی گونکالو گوڈس اور روڈریگو گومز شامل تھے، جنہوں نے میچ کے ابتدائی 36 منٹ میں ہی اپنے انتخاب کو درست ثابت کر دیا اور گول کر کے وولوز کو برتری دلائی۔

لیسٹر سٹی کے مینیجر روڈ وین نیسٹلروئے نے ہاف ٹائم کے فوراً بعد دو تبدیلیاں کیں، لیکن اس کے باوجود ٹیم کو کوئی فائدہ نہ پہنچ سکا۔ میزبان ٹیم نے دوسرے ہاف میں کوئی خاص خطرہ پیدا نہیں کیا، اور وولوز نے اپنی برتری آخر تک برقرار رکھتے ہوئے آسانی سے میچ جیت لیا۔

میچ کے بعد گفتگو کرتے ہوئے ویتر پریرا نے بی بی سی ریڈیو کو بتایا کہ:
“مجھے یقین ہے کہ ہم پریمیئر لیگ میں رہیں گے اور ہم آج سے بھی بہتر کھیل پیش کریں گے۔” انہوں نے اپنی ٹیم کی جذبے اور محنت کی تعریف کرتے ہوئے کہا، “آج ٹیم نے وہ جذبہ دکھایا جو وولوز کے مداح دیکھنا چاہتے ہیں۔”

اس جیت کے ساتھ وولوز نے اپنے پچھلے چار میچوں میں شکست کے سلسلے کو توڑ دیا اور ریلیگیشن زون سے صرف دو پوائنٹس کے فاصلے پر آ گئے ہیں، جبکہ لیسٹر کی مشکلات مزید بڑھ گئیں، جو پہلے ہی زون سے صرف ایک قدم اوپر ہیں۔