اردوانٹرنیشنل(اسپورٹس ڈیسک) تفصیلات کے مطابق پاکستان کی اسٹار بابر اعظم، محمد رضوان اور شاہین شاہ آفریدی نے انٹرنیشنل کرکٹ کونسل (آئی سی سی) کی ون ڈے اور ٹیسٹ رینکنگ میں نمایاں پیش رفت حاصل کی۔
تازہ ترین ون ڈے بیٹنگ رینکنگ کے مطابق، پاکستان کے عظیم بلے باز بابر نے 822 ریٹنگ پوائنٹس کے ساتھ فہرست میں ٹاپ پر اپنا قیام بڑھایا، جبکہ اوپننگ بلے باز امام الحق 666 ریٹنگ پوائنٹس کے ساتھ 11ویں سے 12ویں نمبر پر پہنچ گئے۔
اس دوران فخر زمان ٹاپ 10 میں اپنی پوزیشن برقرار رکھتے ہوئے 675 ریٹنگ پوائنٹس کے ساتھ نویں نمبر پر ہیں۔
دوسری جانب شاہین شاہ آفریدی نے ون ڈے باولنگ رینکنگ میں 655 ریٹنگ پوائنٹس کے ساتھ تین درجے ترقی کر کے چوتھی پوزیشن حاصل کر لی۔
آسٹریلیا کے خلاف پہلے ون ڈے میں گیند کے ساتھ ان کی شاندارباولنگ، جہاں انہوں نے اپنے 10 اوورز میں 2/43 کے شاندار باؤلنگ کے اعداد و شمار حاصل کیے
تاہم، مذکورہ میچ میں3 وکٹ کے ساتھ پاکستان کے مضبوط اٹیک کی قیادت کرنے کے باوجود، حارث رؤف کو تنزلی کا سامنا کرنا پڑا، وہ چار درجے گر کر 27 ویں نمبر پر آ گئے،جبکہ نسیم شاہ 436 ریٹنگ پوائنٹس کے ساتھ 69 ویں نمبر پر برقرار ہیں۔
ٹیسٹ بیٹنگ رینکنگ میں اسٹار بلے باز بابراعظم انگلینڈ کے خلاف تین میچوں کی سیریز کے بقیہ دو ٹیسٹ میچ نہ کھیلنے کے باوجود 17ویں نمبر پر پہنچ گئے۔
ان کے علاوہ وکٹ کیپر بلے باز رضوان اور آل راؤنڈر سلمان علی آغا نے نمایاں پیش رفت کی۔
رضوان کی رینکنگ دو درجے بہتری کے ساتھ 20 ویں نمبر پر آگئی جب کہ آغا 19 ویں نمبر پر آگئے۔
اس کے برعکس، پاکستان کے ٹیسٹ کپتان شان مسعود اور ان کے نائب سعود شکیل کو تیزی سے تنزلی کا سامنا کرنا پڑا، دونوں دو درجے گر کر بالترتیب 59ویں اور نویں نمبر پر آ گئے۔
آل فارمیٹ کے باؤلر کے طور پر اپنی صلاحیتوں کا ثبوت دیتے ہوئے، شاہین ٹیسٹ باؤلنگ رینکنگ میں 15ویں نمبر پر آگئے، جبکہ نعمان علی اور ساجد خان کی اسپن جوڑی نے بھی اپنی جگہ برقرار رکھی۔
