اردو انٹرنیشنل (مانیٹرنگ ڈیسک) امریکی محکمہ خارجہ کے ترجمان نے تصدیق کی ہے کہ بانی پی ٹی آئی عمران خان کی رہائی سے متعلق 60ارکان کانگریس کی جانب سے صدر بائیڈن کو لکھاگیاخط امریکی انتظامیہ کو موصول ہوگیاہے ۔
محکمہ خارجہ کے ترجمان میتھیوملر نے میڈیا بریفنگ میں بتایاکہ ہم ارکان کانگریس کو مناسب وقت پر اس خط کا جواب دیں گے۔
ایک اور سوال پر ان کا کہنا تھاکہ امریکا پاکستان میں انسانی حقوق ‘اظہاررائے کی آزادی اور جمہوریت کو برقرار دیکھنا چاہتاہے ۔
میتھیو ملرنے مزید کہا کہ امریکا کے نائب وزیر خارجہ نے پاکستانی حکام کے ساتھ ملاقاتوں میں اس بات پر زور دیا ہےکہ پاک امریکا جامع تعلقات میں انسانی حقوق ‘متحرک معاشرے کی حمایت اور مضبوط جمہوری اداروں کا اہم کردار ہے ۔
