ورلڈ کپ کوالیفائر: میسی کی شاندار ہیٹرک، ارجنٹائن کی بولیویا کو 6-0 سے شکست

اردو انٹرنیشنل (اسپورٹس ویب ڈیسک) تفصیلات کے مطابق منگل کو مونومینٹل اسٹیڈیم میں 2026 کے ورلڈ کپ کے لیے جنوبی امریکی کوالیفائرز میں ارجنٹائن نے بولیویا کو 6-0 سے شکست دی ۔

لیونل میسی نے کوپا امریکہ میں جولائی میں ہونے والی چوٹ سے صحت یاب ہونے کے بعد اپنا دوسرا انٹرنیشنل میچ کھیلا اور بولیویا کے خلاف اس میچ میں شاندار کارکردگی کا مظاہرہ کیا اس میچ میں میسی نے اپنے کیریئر کی دسویں ہیٹ ٹرک بنائی اور دو مزید گولز میں بھی مدد کی، جس کی وجہ سے ارجنٹائن نے بولیویا کو 6-0 سے ہرایا۔ ز میں سے ایک تھا۔

میسی نے 19 ویں منٹ میں بولیویا کے ڈیفینڈر مارسیلو سواریز کی غلطی سے فائدہ اٹھاتے ہوئے پہلا گول کیا۔ تاہم بولیویا کے گول کیپر گیلرمو ویزکارا نے ارجنٹائن کو مزید گول کرنے سے روکنے کی کوشش کی اور دو بہترین سیو کیے، لیکن 43 ویں منٹ میں میسی کے کراس پر لوٹارو مارٹینز نے گول کر دیا۔ ارجنٹائن نے ہاف ٹائم سے پہلے ہی اسکور 3-0 کر دیا جب میسی نے جولین الواریز کو گول کرنے کا موقع فراہم کیا۔

اور پھر لیونل اسکالونی کی ٹیم نے دوسرے ہاف میں کھیل پر مکمل غلبہ حاصل کرلیا۔ نکولس اوٹامینڈی نے ارجنٹائن کے لیے ایک اور گول کیا، لیکن وہ گول آف سائیڈ کی وجہ سے منسوخ کر دیا گیا۔ متبادل کھلاڑی تھیاگو الماڈا نے 70ویں منٹ میں ناہول مولینا کے پاس پر گول کیا اور اسکور 4-0 کر دیا، جس سے ارجنٹائن کی جیت کے امکانات تقریباً واضح ہوگئے۔

اس کے بعد 37 سالہ میسی نے آخری لمحات میں بولیویا کے دو کھلاڑیوں کو ڈاج کرتے ہوئے ایک زبردست شاٹ مارا اور دوسرا گول کر کے شائقین کو مزید خوش کر دیا۔

صرف دو منٹ بعد، میسی نے اپنی ہیٹ ٹرک مکمل کر لی اور مردوں کے بین الاقوامی مقابلوں میں پرتگال کے کرسٹیانو رونالڈو کے ساتھ شامل ہو گئے اور یہ ارجنٹائن کے کپتان کا اپنے ملک کے لیے 112 واں گول تھا۔

میچ کے بعد میسی نے کہا، “یہاں آ کر، لوگوں کی محبت کو محسوس کرنا، ان کا میرا نام پکارنا، یہ سب مجھے متاثر کرتا ہے۔ یہ مجھے خوش رکھتا ہے۔ 37 سال عمر ہونے کے باوجود، جب میں یہاں آتا ہوں تو میں ایک بچے کی طرح محسوس کرتا ہوں کیونکہ اس ٹیم کے ساتھ میں بہت سکون میں ہوں اور میں اس لمحے کو انجوائے کرتا ہوں۔”

ارجنٹائن اب 22 پوائنٹس کے ساتھ ٹاپ پر ہے جو گزشتہ ماہ کولمبیا سے ہارنے اور گزشتہ ہفتے وینزویلا کے ساتھ ڈرا کرنے کے بعد دوبارہ جیت کی راہ پر گامزن ہو گئی ہے۔