علی امین گنڈاپورکی گرفتاری کی خبر غلط ہے،سرکاری ذرائع
اردو انٹرنیشنل (مانیٹرنگ ڈیسک)سرکاری ذرائع کا کہنا ہے کہ وزیراعلیٰ کے پی کے کی گرفتاری کی خبر غلط ہے۔
سرکاری ذرائع نے علی امین گنڈا پور کی گرفتاری کی تردید کردی۔
کچھ دیر پہلے آئی جی اسلام آباد وزیراعلیٰ خیبر پختونخوا کو گرفتار کرنے گئے تھے۔
جب آئی جی میٹنگ ہال میں پہنچے اور کے پی کے ہاؤس کی تلاشی لی تو وہ وہاں موجود نہیں تھے۔
تاہم کے پی ہاؤس کے ملازمین کو گرفتار کر کے قیدی وین میں لے جایا گیا ہے۔
واضح رہے کہ ڈسٹرکٹ اینڈ سیشن کورٹس اسلام آباد نے غیر قانونی اسلحہ و شراب برآمدگی کیس میں وزیراعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری جاری کر دیے۔
جوڈیشل مجسٹریٹ مبشر حسین زیدی نے تھانہ بہارہ کہو میں درج مقدمہ کی سماعت کی۔
متعدد مرتبہ عدالتی طلبی کے باوجود علی امین گنڈاپور عدالت میں پیش نہیں ہوئے، عدالت نے حکم دیا کہ علی امین گنڈاپور کو گرفتار کرکے آئندہ سماعت پر عدالت پیش کیا جائے۔
