اسرائیلی بمباری جاری، لبنان میں ہلاکتوں کی تعداد 700 سے تجاوز کر گئی
اردو انٹرنیشنل (مانیٹرنگ ڈیسک) لبنان کی وزارت صحت نے بتایا کہ لبنان میں گزشتہ 24 گھنٹوں کے دوران اسرائیلی فضائی حملوں میں کم از کم 92 افراد ہلاک اور 153 دیگر زخمی ہوئے۔
حزب اللہ کے ساتھ جنگ بندی کی بین الاقوامی درخواستوں کو نظر انداز کرتے ہوئے، اسرائیل نے لبنان میں بمباری جاری رکھی ہوئی ہے جس کے نتیجے میں پیر سے اب تک 700 سے زائد افراد ہلاک ہو چکے ہیں۔
وائٹ ہاؤس نے اسرائیل کی طرف سے جنگ بندی کی تجویز کو مسترد کرنے پر مایوسی کا اظہار کرتے ہوئے کہا ہے کہ اس نے “بہت احتیاط اور کوشش” کی تھی اور اسرائیل کے ساتھ “رابطے” میں تھے۔
