پاکستان بھارتی وزیراعظم مودی کو شنگھائی تعاون تنظیم کے سربراہی اجلاس میں ‘یقینی طور پر مدعو’ کرے گا،وزیر دفاع
اردو انٹرنیشنل (مانیٹرنگ ڈیسک) پاکستان اس سال اکتوبر میں شنگھائی تعاون تنظیم کی میزبانی کے لیے تیاریاں کررہا ہے، وزیر دفاع خواجہ آصف نے منگل کو کہا کہ اسلام آباد یقینی طور پر ہندوستانی وزیر اعظم نریندر مودی کو شنگھائی سربراہی اجلاس میں مدعو کرے گا۔
خواجہ آصف نے یہ بیان ان قیاس ارائیوں کے دوران آیا ہے جب یہ باتیں گردش کررہی ہیں کہ بھارتی وزیر اعظم نریندر مودی آئندہ شنگھائی تعاون تنظیم کے اجلاس میں شرکت نہیں کریں گے کیونکہ کچھ میڈیا اداروں کی طرف سے نشر کی گئی رپورٹس کے مطابق دونوں جنوبی ایشیائی ممالک کے تعلقات مسئلہ کشمیر کی وجہ سے کشیدہ ہیں۔
دفتر خارجہ کی ترجمان نے جولائی میں کہا تھا کہ اکتوبر میں ہونے والے سربراہی اجلاس سے پہلے ایس سی او کے رکن ممالک کے درمیان مالیات، اقتصادیات، سماجی و ثقافتی امور اور انسانی ہمدردی کی کوششوں میں تعاون کو فروغ دینے پر توجہ دینے کے لیے وزارتی اجلاس اور سینئر حکام کی ملاقاتوں کے متعدد دور ہوں گے۔
پروگرام میں جب وزیر دفاع سے پوچھا گیا کہ کیا پاکستان ہندوستانی وزیر اعظم کو شنگھائی تعاون تنظیم کے سربراہی اجلاس میں مدعو کرے گا تو انہوں نے جواب دیا کہ “ہاں، یقینی طور پر اس میں کوئی شک نہیں ہونا چاہیے.”
اس کی وضاحت کرتے ہوئے،خواجہ آصف نے یاد دلایا کہ بھارت نے اس وقت کے وزیر خارجہ بلاول بھٹو زرداری کو دہلی مدعو کیا تھا جب بھارت نے جولائی 2023 میں علاقائی سربراہی اجلاس کی میزبانی کی تھی۔
وزیر دفاع نے کہا کہ کسی بھی رکن ملک کو دعوت نہ دینا نامناسب ہے اور ایس سی او کسی بھی میزبان رکن ملک کے ایسے کسی اقدام کو قبول نہیں کرے گا۔
ایک دن پہلے، بھارتی حکومت نے میڈیا رپورٹس کی تردید کی تھی جس میں کہا گیا تھا کہ وزیر اعظم مودی پاکستان میں ہونے والی ایس سی او سربراہی اجلاس میں شرکت نہیں کریں گے۔
دی نیوز میں شائع ہونے والی ایک رپورٹ کے مطابق، ہندوستانی وزارت خارجہ نے ایک وضاحت جاری کرتے ہوئے میڈیا پر زور دیا کہ وہ اس معاملے پر قیاس آرائیوں سے گریز کریں۔
ہندوستانی میڈیا نے ملک کی وزارت خارجہ کے حوالے سے بتایا کہ ہم نے دیکھا ہے کہ کئی آؤٹ لیٹس خبریں چلا رہے ہیں کہ وزیر اعظم [مودی] پاکستان میں ایس سی او کے اجلاس میں شرکت نہیں کریں گے یا وزیر خارجہ [وزیر خارجہ] پاکستان میں ایس سی او اجلاس میں شرکت کریں گے.
