شاہین آفریدی کی حالیہ دوروں کے دوران کوچز کے ساتھ ’بدتمیزی‘
اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے قومی مینز ٹیم کے گزشتہ تین دوروں کے دوران ڈسپلن کی کمی کے باعث سینئر منیجر وہاب ریاض اور منیجر منصور رانا کو ان کے عہدوں سے ہٹا دیا ہے۔
پاکستان نے حال ہی میں ٹی ٹوئنٹی سیریز کے لیے آئرلینڈ اور انگلینڈ کا دورہ کیا اور ٹی ٹوئنٹی ورلڈ کپ 2024 کے لیے امریکہ اور ویسٹ انڈیز کا دورہ کیا۔
ذرائع کے مطابق شاہین نے حالیہ دوروں کے دوران کوچز اور انتظامیہ کے ساتھ بدتمیزی کی لیکن ٹیم منیجرز کی جانب سے پیسر کے نامناسب رویے پر کوئی کارروائی نہیں کی گئی۔
ذرائع نے مزید کہا کہ ٹیم میں نظم و ضبط برقرار رکھنا منیجرز کی ذمہ داری تھی اسی لیے اس بات کی تحقیقات کی جارہی ہیں کہ بدتمیزی کے باوجود شاہین کے خلاف کارروائی کیوں نہیں کی گئی۔
ذرائع نے مزید بتایا کہ ٹیم میں جن کھلاڑیوں نے لابیاں بنا رکھی ہیں ان سے بھی تفتیش کی جا رہی ہے۔
دریں اثنا، کوچز نے اپنی رپورٹس میں کچھ کھلاڑیوں کے غیر سنجیدہ رویے کو بھی اجاگر کیا ہے۔
ذرائع نے مزید انکشاف کیا کہ کھلاڑی ایک دوسرے کے خلاف بھی بولتے ہیں جس سے ٹیم کا ماحول خراب ہوتا ہے۔
