شاہد خاقان عباسی کی جماعت کی رجسٹریشن سے پہلے اعتراض سامنے آگیا
اردو انٹرنیشنل (مانیٹرنگ ڈیسک) تازہ ترین خبریں ہم عوام پاکستان پارٹی “کے نام پر الیکشن کمیشن میں درج سیاسی جماعت نے شاہد خاقان عباسی کی جماعت” عوام پاکستان” پر اعتراض کردیا.
چئیرمین ہم عوام پاکستان پارٹی محمد امجد چوہدری نے الیکشن کمیشن سے رابطہ کرکے شاہد خاقان عباسی کی جماعت کے نام پر اعتراض کیا.
انہوں نے عوام پاکستان پارٹی کے خلاف درخواست الیکشن کمیشن میں جمع کرا دی.
چئیرمین ہم عوام پاکستان پارٹی نے کہا کہ عوام پاکستان پارٹی کا نام ہماری جماعت سے ملتا جلتا ہے.
انکا کہنا تھا کہ ہم عوام پاکستان کو بطور جماعت درج نہ کیا جائے.
چئیرمین ہم عوام پاکستان پارٹی نے کہا کہ الیکشن ایکٹ کے مطابق ہر سیاسی جماعت کا الگ نام ہونا چاہیے.
سربراہ ہم عوام پاکستان پارٹی نے کہا کہ ہماری جماعت 4 سے 5 سال ےموجود ہے اور ہمارا ووٹ بنک بھی ہے.
محمد امجد چوہدری نے کہا کہ اگر ایک نام سے جماعت درج ہوئی تو ہمارا ووٹ بنک متاثر ہوگا.
واضحرہے کہ چند روز قبل شاہد خاقان عباسی نے عوام پاکستان پارٹی کے نام سے سیاسی جماعت لانچ کی تھی.
