رمضان کی پہلی افطاری میں بنائیں “چکن پوٹیٹو کٹلیٹس” اور سجائیں اپنا دسترخوان
رمضان المبارک کے بابرکت مہینے میں اپنی بہترین افطاری کے لئے اگر آپ مزیدار اور آسان ریسپیز ڈھونڈ رہے ہیں تو اردو انٹرنیشنل لایا ہے آپ کے لئے مختلف اور آسان ریسپیز جو کہ باآسانی بنائی جا سکتی ہیں۔
رمضان کریم کے مبارک مہینے میں اپنے دسترخوان پر سجائیں لذیز اور ذائقہ دار کھانے جس سے بڑھے آپ کے دستر خوان کی شان.
آج کی ریسیپی چکن پوٹیٹو کٹلیٹس (Chicken Potato Cutlets)
چکن پوٹیٹو کٹلیٹس بنانے کے اجزاء:
چکن کا قیمہ 1 کلو
آلو (ابلے اور چھلکے ہوئے) 2 کپ
پیاز (کٹی ہوئی) 1 کپ
ہری مرچیں (کٹی ہوئی) 2 کھانے کے چمچ
کُٹی لال مرچیں 1کھانے کا چمچ
کالی مرچ پاؤڈر 1 کھانے کا چمچ
لہسن پاؤڈر 1 کھانے کا چمچ
نمک 1چائے کا چمچ
لال مرچ پاؤڈر 2 کھانے کے چمچ
کھانے کاتیل (تلنے کے لیے) حسب ضرورت
بنانے کی ترکیب ؛
1 . ایک باؤل میں چکن کا قیمہ، آلو، پیاز، ہری مرچ،کُٹی لال مرچ، کالی مرچ پاؤڈر، لہسن پاؤڈر، نمک اور لال مرچ پاؤڈر ڈال کر اچھی طرح مکس کریں۔
2 . پھراس آمیزے سے کٹلیٹس تیار کر لیں۔ نوٹ: انہیں ایک مہینے تک ایئر ٹائٹ باکس میں محفوظ کیا جا سکتا ہے۔
3 . اب ایک پین میں کھانے کا تیل گرم کرکے اس میں آلو چکن کٹلٹس رکھ کردونوں سائیڈزکودو سے تین منٹ تک فرائی کریں۔
4 . چکن پوٹیٹو کٹلیٹس تیار ہیں۔
