اینکر پرسن اقرار الحسن کے گھر پر نامعلوم افراد کی فائرنگ
اردو انٹرنیشنل ( مانیٹرنگ ڈیسک) تفصیلات کے مطابق لاہور کے علاقے ڈیفنس میں معروف اینکر پرسن اقرار الحسن کے گھر پر نامعلوم افراد نے فائرنگ کا واقعہ پیش آیا ہے۔
تفصیلات کے مطابق گزشتہ رات اینکر پرسن اقرار الحسن کے گھر پر نامعلوم افراد کی جانب سے فائرنگ کی گئی۔
ابتدائی اطلاعات میں بتایا گیا ہے کہ فائرنگ دو مرتبہ مختصر وقفے سے کی گئی، جس کے بعد ملزمان فرار ہو گئے۔
واقعے کے بعد پولیس کی نفری موقع پر پہنچی جس نے تصدیق کی کہ واقعے میں کوئی جانی نقصان یا زخمی نہیں ہوا۔
پولیس کے مطابق اقرار الحسن کے گھر کے باہر سے نائن ایم ایم پستول کے خول ملے ہیں۔
ایس پی کینٹ اویس شفیق نے بتایا کہ واقعے کی تفتیش کی جارہی ہے اور اس سلسلے میں کلوز سرکٹ کیمروں کی مدد لی جارہی ہے۔
