ہمیں انسانی امداد کی فراہمی کے دوران شمالی غزہ میں جانوں کے ضیاع پر شدید صدمہ ہے،بھارت
بھارتی وزرات خارجہ کی آفیشل ویب سائیٹ سے جاری بیان میں بھارتی حکومت نے اپنے گہرے دکھ اور صدمے کا اظہار کرتے ہوئے کہا کہ گزشتہ روز شمالی غزہ میں انسانی امداد کی فراہمی کے دوران جانوں کے ضیاع پر ہمیں شدید صدمہ پہنچا ہے۔
غزہ میں شہریوں کی اس طرح کی جانوں کا نقصان اور بڑی انسانی صورتحال انتہائی تشویش کا باعث بنی ہوئی ہے۔
بھارتی حکومت کا کہنا تھا کہ ہم انسانی امداد اور امداد کی محفوظ اور بروقت فراہمی کے لیے اپنی کال کا اعادہ کرتے ہیں۔
